einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9417 swie wünneclîch eht hinne sîund swie deheiner slahte guot sô sêre ringe den muot sô dâ liep bî liebe lît, als ir und iuwer wîp sît, 9422 sô sol man wærlîchen den wîben doch entwîchen ze etelîcher stunde. ich hân ez ûz ir munde heimlîchen vernomen 9427 daz hin varn und wider komen âne ir haz mac geschehen. swie sis niht offenlîche jehen, si wellent daz man in niuwe sî und niht ze allen zîten bî. 9432 ouch zæme disiu vrouwe baz, diu disiu jâr hinne saz, under anderen wîben. wie ir mohtet belîben ein alsô wætlîcher man, 9437 wie mich des niht verwundern kan! |